बुद्ध जयन्तीया थीथी ज्याझ्वः

ख्वपसन्ध्या टाइम्स÷२५५३ क्वःगु बुद्ध जयन्तीया लसताय् ख्वपय् नं थुगुसी थीथी ज्याझ्वः यानाः बुद्ध जयन्ती न्यायेकल । बुद्ध जयन्ती माने यायेकथं बौद्ध समकृत विहारपाखें सुथय् नसंचा उलेज्या जुल । ख्वप देय् चाहिले धुंकाः बुद्धपूजा व धर्मदेशना जूगु खः । उगु ज्याझ्वः लिपा भक्तपुर बौद्ध सम्पाद संघपाखें बुद्ध जयन्ती सम्वन्धी बृत्तचित्र नं क्यनेज्या जूगु खः ।

मैत्रेय युवा संघपाखें सनिलय् दिपावली ज्याझ्वः नं जूगु खः । अथेहे युवा बौद्ध पुचःपाखें बुद्ध जयन्ती छन्हु न्ह्यः कुन्हु मैनमत याः यानाः बुद्ध जयन्तीया प्रचार यायेगु ज्या नं जूगु खः । उगु ज्याझ्वः लिपा भक्तपुर बौद्ध सम्पाद संघपाखें बुद्ध जयन्ती सम्वन्धी बृत्तचित्र नं क्यनेज्या जूगु खः ।