मिसाया हत्या यानाः वांछ्वयातःगु लाश जंगलय् लुइकल

यलया लेलेय् च्वंगु जंगलय् नीछदँया रोजी महर्जन म्हिगः सुथय् सिनाच्वंगु अवस्थाय् लुइकूगु दु । प्रहरीं कुपण्डोल निवासी महर्जनयात वया मिजं पासा सुवास उप्रेतीं शुक्रवाः स्याःगु आशंका याःगु दु । प्रारम्भिक अनुसन्धानय् जङगलय् बन्धक दयेकेत स्वःम्ह सुवासया कुतःया प्रतिकार याःबलय् छ्यनय् गोली लानासीगु प्रहरीं धाःगु दु । छुं ई न्ह्यः बेलायतपाखें लिहांवःम्ह सुवासं फिरौतीया निंतिं वयागु अपहरण यायेत स्वःगु व प्रतिकार याःबलय् स्याःगु प्रारम्भिक अनुसन्धानपाखें सीदुगु प्रहरीं धाःगु खः । प्रहरीं सुवासयात ज्वनाः अनुसन्धान न्ह्याकेधुंकूगु दु । घटनाया सम्बन्धय् थप अनुसन्धान जुयाच्वंगु धाःगु दु ।