स्थानीय निकाय मदुगुिलं कर्मचारीयात जनताया सेवा यायेगु ह्वःताः

रमेश त्वींत्वीं

ख्वपसन्ध्या टाइम्स÷नेपाल नगरपालिका कर्मचारी एसोसियसन ख्वप नगरपालिका शाखाया गुक्वःगु अधिवेशन नेमकिपाया केन्द्रीय अध्यक्ष नारायणमान बिजुक्छेँ रोहितं उलेज्या यानादिल । ज्याझ्वलय् न्ववासें वय्कलं कर्मचारीतय्सं बांलाक ज्या यात धाःसा ख्वप नगरया हे इज्जत च्वनीगु खँ न्ह्यथनादिसें स्थानीय निकाय मदुगु थौंया इलय् कर्मचारीतय्त जनताया सेवा यायेगु ह्वःताः चूलानाच्वंगु खँ कनादिल ।

ख्वप नगरपालिकाया निर्वाचित मेयर प्रेम सुवालं प्रजातन्त्रया जग धइगु हे स्थानीय निकाय जूगुिलं स्थानीय निकायया चुनाव याकनं यायेमाःगु खँय् बः बियादिसें यदि चुनाव मजुइगु जूसा २०५४ सालय् निर्वाचित जनप्रतिनिधित हे हाकनं नगरपालिका व स्थानीय निकायय् पुनर्वहाली यायेमाः धयादिल ।

ख्वपया सीडीओ कमलमणि काफ्लें न्हूगु नेतृत्वं बांलाक ज्या याइगु विश्वास प्वंकादिल । हरि-लोचन शर्मा व दिलकृष्ण माकःिपंसं नं न्ववानादीगु उगु ज्याझ्वलय् गौतमप्रसाद लासिवायात नायः ल्ययाः न्हूगु ज्यासना पुचः नं ल्यःगु दु । ज्यासना पुचःया न्वकु कासिलाल प्रजापति छ्यााजे विश्वराम सिबंजार लिउ छ्यााजे सत्यराम सुवाल व दांभरि पदय् रोशना न्याइच्याइँ च्वनादीगु दु ।

अथेहे निर्वाचित न्हूिपं दुजः पदय् विमला पोडे गोपीकृष्ण चांगुभारी दिलकृष्ण माकः जितमान मोक्तान हरिकृष्ण दुवाल व रामकृष्ण प्रजापति वःगु दु ।