जीप दुर्घटनाय् प्यम्ह मनूत सित

काभ्रेया होक्से-चिसापानी सतक खण्डय् थौं सुथय् जीप दुर्घटना जुयाः प्यम्ह मनू घटनास्थलय् हे सीगु दु ।

चिसापानीं बनेपा वयाच्वंगु बा. ४ च १३१५ ल्याःया जीप होक्से गाविस - ६ स्थित सतकपाखें न्ह्यसः मिटर क्वय् कुतुंवंगु खः । दुर्घटनाय् होक्से-९या न्यय्न्यादँया दिल्लीमाया तामाङ, उगु हे थाय्या स्वीदँया सीता थापा व वय्कःया जहान प्यदँया काय् जेम्स लिसे साठीघर गाविसया पीदँया अञ्जु श्रेष्ठ सीगु खः । प्यम्हं घटनास्थलय् हे सीगु जानकारी प्रहरीं ब्यूगु खः ।

दुर्घटनाय् मेमेपिं च्याम्ह बांमलाक्क घाःपाः जूगु दु । उमिगु धुलिखेलय् वासः जुयाच्वंगु प्रहरी निरीक्षक अरुण सिंहं जानकारी बियादिल ।