महापरित्राणय् अष्टपरिकार दान

येँसन्ध्या टाइम्स÷थीथी विहार व बही नापं विदेशय् तकं नेपाःया कलात्मक गुलुपाः दान याना वयाच्वनादीम्ह बागबजारय् च्वंम्ह गुलुपाःदाता भाजु जीवरत्न स्थापितं वंगु शनिवाः थःगु हे छेँय् महापरि-त्राण पाठ याकाः बुद्ध मूर्ति व अष्ट
परिकार दान यानादिल । आः तक न्हय्न्हय्गः गुलुपाः दान यानादीधुंकूम्ह वय्कलं वंगु बुद्ध जयन्ती कुन्हु तिनि आनन्दकुटी विहारय् खुया यंकूगु गुलुपाःया थासय् मेगु गुलुपाः दान यानादीगु खः । अखिल नेपाल भिक्ष्ा महासंघया भिक्ष्ा बोधिसेन महास्थविरमूपाहां कथं बिज्याःगु उगु ज्याझ्वलय् बुद्ध पूजा धर्मदेशना नापं महापरि-त्राण पाठ याःगु खः ।

२६ गू विहारया भिक्ष्ािपं व गुंगू विहारया अनागारिकािपंत ब्वनाः न्ह्याकूगु ज्याझ्वलय् वर्मा्रनिसें नं छम्ह भन्ते बिज्याःगु दु । तःधंगु मन्दः ग्वयाः भोजन दान नापं याःगु उगु ज्याझ्वलय् श्री टासी छ्योई खोर्लि¨ गुम्बा प्यूटार ४ सिम्लेयात ३२ इन्च तःधिकःम्ह बुद्धया छगू मूर्ति नं वय्कलं दान यानादीगु खः ।

उगु हे महापरित्राण ज्याझ्वलय् वय्कलं थम्हं गुलुपाःदान यानातःगु विहारत मध्यय् छुं विहारयात लः त्वनेगु थल लाकां झूल नापं अष्ट-परिकार दान नं यानादीगु खः ।
भाजु जीवरत्न स्थापितं थःगु ब्यक्तिगत पहलय् हे आः तक थीथी विहार व बही नापं विदेशय् तकं गुलुपाः दान याना वयादीगु दुसा वय्कलं आः याकनं हे गुलुपाः सम्बन्धी छगू बिस्कं सफू नं पिकायेगु तयारी यानाच्वनादीगु दु ।