निम्ह सभासद्तय् पद खारेज

चुरे भावर राष्ट्रिय एकता पार्टीया नायः केशव मैनाली व संघीय लोकतान्त्रिक राष्ट्रिय मञ्चया राजकुमार नल्बो लिम्बुया संविधानसभा सदस्यता खारेज जूगु दु ।

निम्ह सभासद्तय्सं थःथःगु पार्टी त्वःता न्हूगु पार्टी चायेकेवं संविधानसभाया पदपाखें चिइकेत सम्बन्धित पार्टीं सभामुख समक्ष याःगु इनापया आधारय् मैनाली व लिम्बुया सभासद् पद खारेज याःगु खः । संविधानसभा सचिवालयया महासचिव मनोहर भट्टराईं मंगलवाः छगू विज्ञप्ति जारी यासें सभासद् पदपाखें खारेज जूगु खँ न्ह्यथंगु दु ।

मैनाली व लिम्बु निम्हं समानुपातिकपाखें संविधानसभाया सभासद् पदय् निर्वाचित जुयादीगु खः ।