आः गठन जुइगु सरकारं नं माओवादी आर्थिक नीति नालीगु ः डा भट्टराई

येँसन्ध्या टाइम्स÷न्हूगु नेपाःया निर्माणया आर्थिक लँपु तयार जूगु धासे आः गठन जुइगु सरकारं नं थुगु लँपुया नीति अवलम्बन याइगु खँ कामचलाउ सरकारया अर्थमन्त्री डा। बाबुराम भट्टराईं कनादीगु दु ।

अर्थमन्त्री डा। भट्टराइर्ं थुगु मन्त्रालयय् ग्वसाः ग्वःगु पत्रकार सम्मेलनया थुगु खँ धयादीगु खः । पत्रकार सम्मेलनया झ्वलय् वर्तमान सरकारं उल्लेख्य रुपं राजस्व म्हयाः देय्यात आत्मनिर्भरता पाखे यंकूगु वयकलं दावी यानादीगु दु ।

मन्त्री डा। भट्टराईं थःगु कार्यकालय् जक १ सय १० अर्ब ५१ करोडया राजस्व म्हयाः ऐतिहासिक रेकर्ड कायम यायेत सफल जूगु तथ्यांक नं न्ह्यब्वयादिल ।

लिसें वय्कलं आन्तरिक त्यासा बिचाः यानागु स्वयां गाक्कं म्हो जक म्हयागु व थःगु कार्यकालय् जक ४३ अर्बया वैदेशिक त्यासा परिचालन जूगु नं धयादीगु दु ।

पत्रकार सम्मेलनय् मन्त्री डा।भट्टराईं स्थानीय निकाय गठन जुइ मफुगु व मेमेगु दलया ल्हातय् लाःगु मन्त्रालयं बांलाक ज्या याये मफुगुिलं नं सरकारं वजेट खर्च याये मफुगु धइगु खँ कनादिल । अथेखःसां अर्थ मन्त्रालयं गुलाया ई दुने २३ अर्ब वजेट विकासय् खर्च जूगु खँ कनादीगु दु ।

वय्कलं दँय्दसं १० निसें १२ अर्बया वजेट वचत जुइगु धयादिसें वजेट खर्च यायेत हे विकास प्राधिकरणया अवधारण हयागु नं धयादीगु दु । आर्थिक पारदर्शिता व मितव्ययिताया नीितं यानाः भ्रष्टाचार म्हो जुयाः आर्थिक सदाचार कायम जूगु खं वय्कलं दावी यानादिल ।

वय्कलं २ लाख ६८ हजार किसानया त्यासा मिनाहा यानागु युवा व साना व्यवसायी स्वरोजगार ज्याझ्वः लागू यानागु व सहकारी पसः संचालन यायेगु प्रकि्रया न्ह्याःगु खँय् सन्तुष्टि प्वंकादीगु दु ।
माओवादी सरकारं पिहां वंसां आर्थिक विकासयात न्हू वइगु सरकारं निरन्तरता बीगु खँय् थः आशावादी जूगु नं वय्कलं धयादीुगु दु ।