परिषद्पाखें सिरपाः लःल्हात

येँ सन्ध्या टाइम्स÷नेपालभाषा परिषदं दँय्दसं बीगु याना वयाच्वंगु थीथी सिरपाः व उपाधि म्हिगः परोपकार उच्च माविइ कविकेशरी चित्तधर ुह्दयुया १०३ दँ बुन्हि हँसें लःल्हात । मचा साहित्यकार शान्तदास मानन्धरं मूपाहांया थासं उगु सिरपाः लःल्हानादीगु खः । ख्वपया विराट नेपालभाषा साहित्य सम्मेलन गुथिया संस्थापक रत्नगोपाल साँय्जूयात नीन्याद्वः तका दां सहित हनापौ दुगु चित्तधर सिरपाः निबन्धकार मुनीन्द्ररत्न बज्राचार्ययात ठाकुरलाल सिरपाः व भाषाथुवाःया मानार्थ उपाधि भिक्ष्ा अश्वघोष महास्थविरयात लःल्हाःगु खः ।

नेपालभाषा परिषदया नायः फणिन्द्ररत्न बज्राचार्यया सभापतित्वय् जूगु उगु ज्याझ्वलय् मूपाहां नापं सिर-पाःया दाता पद्मज्योति व पुरस्कृत ब्यक्तित्विपं अश्वघोष महास्थविर मुनीन्द्ररत्न बज्राचार्य व रत्नगोपाल साँय्जू- िपंसं थःथःगु नुगःखँ प्वंकादीगु खः । ज्याझ्वलय् मूपाहां शान्तदास मानन्धरयात नं परिषद्या नायःपाखें दोसल्लां न्ययेकाः हनेज्या याःगु खः ।