पूर्वया गुंगू जिल्ला बन्दं प्रभावित

राष्ट्रिय जनमुक्ति पार्टीया भातृ संगठन लिम्बुवान प्रान्तीय परिषदं आव्हान याःगु अरुण पूर्वया गुंगू जिल्ला बन्दं अनया जनजीवन प्रभावित जूगु दु ।

न्हूगु संविधानय् लिम्बुवान राज्याय सुनिश्चितता व ईलय् हे न्हूगु संविधान जारी यायेत दबाव स्वरुप परिषदं बन्दया आव्हान याःगु खः । बन्दया हुनिं अरुण पूर्वया धनकुटा, मोरङ, सुनसरी, झापा, इलाम, पाँचथर, तेह्राथुम, ताप्लेजुङ व संखुवासभा पूर्ण रुपं बन्द जूगु खः । परिषदया कार्यकर्तात सुथंनिसें सतकय् वयाः संघीयता विरोधीतय्त खबरदारी यानाच्वंगु दु ।

थौंया हे न्हिस १८३१ साल साउन २२ गते लिम्बुवात स्वायत्त राज्ययात एकात्मक शासन व्यवस्था दुने लाकूगुलिं परिषदं थौंया न्हियात हाकूगु न्हि कथं हनेगु यानाच्वंगु दु ।