येँ महानगरपालिकां थ्यंमथ्यं निगू अर्बया बजेट पारित
येँ महानगरपालिकां चालु आर्थिक वर्षया लागि छगू अर्ब व ९० करोड तकाया बजेट पारित याःगु दु । महानगरपालिकां बिहीवाः छगू पत्रकार सम्मेलन यानाः छगू अर्ब ९० करोड तकाया बजेट पारित जूगु जानकारी बिउगु खः ।
प्रशासनिक खर्चपाखे ४६ करोड ३ लख व २० हजार तका व पुँजीगत नापं विकास खर्चपाखे छगू अर्ब ४३ करोड ९६ लख व ८० हजार खर्च विवरण विनियोजन यानातःगु दु । महानगरपालिकां आन्तरिक श्रोत परिचालन यानाः ९३ करोड ६३ लख व २५ हजार तका व पिनेगु श्रोतपाखें ६० करोड ३८ लख व ४६ हजार तका व थीथी श्रोतपाखें घाटापूर्ति यायेकथं ३५ करोड ९७ लख व ९९ हजार तका आम्दानी यायेगु बजेटय् न्ह्यथनातःगु दु ।
महानगरपालिकाया कार्यकारी अधिकृत गणेश राईं संस्था दुने आन्तरिक समस्यायात थःम्हेस्यां व्यवस्थापन याये मफूगुलिं महागरपालिकाया मर्यादा म्हो जूगु स्वीकार यानादीगु दु ।
