शुक्रवाः निसें संसद न्ह्याइगु

तःहाकःगु ईलं निसें अवरुद्ध जुयाच्वंगु संसद शुक्रवाः निसें न्ह्याइगु जूगु दु ।

कार्यव्यवस्था परामर्श समितिया बिहिवाः च्वंगु बैठकं शुक्रवाः निसें संसद न्ह्याकाः शनिवाः प्रधानमन्त्रीया निर्वाचन यायेगु सहमति जूगु दु ।

प्रधानमन्त्री पुष्पकमल दाहाल प्रचण्डं शुक्रवाःया संसदय् सम्बोधन याइगु ग्वःसाः दु । वयेकया सम्बोधन लिपाः संसद बैठक संचालन जुइगु जूगु दु । संसद बैठकं प्रधानमन्त्रीया निर्वाचनया मिति घोषणा यासें निर्वाचन ज्याझ्व प्रकाशन यायेत संसद सचिवालयया महासचिवयात निर्देशन ब्यूगु दु ।

संसदया बिहिवाः धासाः सूचना तिकाः स्थगित याःगु दु । निन्ह्य स्वताः ईलय् सःतुगु बैठक दलत दथुइया सहलह ताहाकः जुइवं स्थगित याःगु खः । मेगु बैठक शुक्रवाः न्हिनय् स्वताः ईलय् च्वनी ।