फोरमं एमाले नेतृत्वया सरकाय् ब्वति काय्गु निर्णय

मधेशी जनअधिकार फोरमं सरकारय् वनेगु निर्णय याःगु दु । सरकारय् ब्वति कायेगु वा मकायेगु धकाः पार्टी दुने तीव्र मतभेद जूगु फोरमं अन्ततः सरकारय् ब्वति कायेगु निर्णय याःगु दु ।

बिहिवाः च्वंगु केन्द्रीय समितिया बैठकं सरकारय् ब्वति कायेगु आधिकारिक निर्णय याःगु दु । सरकारय् ब्वति कायेगु निर्णय यासां सुयाःगु नेतृत्व छ्वगु धकाः अध्यक्ष उपेन्द्र यादवया अध्यक्षताय् प्यम्ह दुजः दुगु कार्यदल गठन याःगु दु । कार्यदलय् संसदीय दलया नेता विजयकुमार गच्छदार, सहअध्यक्ष जेपी गुप्ता व केन्द्रीय दुजः शरदिसंह भण्डारी दुथ्याः ।

बिहिवाः न्ह्यघौ तक न्ह्याःगु बैठकय् ब्वति कापिं अधिकांश दुजःतय्सं थःगु बिचाः प्वंकेवं सरकारय् वनेगु निर्णय याःगु खः ।