समता शिक्षा निकेतनया शिक्षकत आन्दोलित
समता शिक्षा निकेतन कावासोतीइ अध्यापन याकाः वयाच्वंपिं शिक्षकतय्त व्यवस्थापनं श्रमशोषण याःगु धासें शिक्षकतय्सं सामुहिक राजीनामा ब्यूगु दु ।
विद्यालयसं ज्या यानाच्वंपिं स्वीप्यम्ह शिक्षकतय्सं शुक्रवाः सामुहिक रुपय् राजीनामा ब्यूगु खः । प्रशासनं थःिपंदथुइ चरम शोषण याःगु कारण राजीनामा बिइमाःगु पीडित शिक्षकतय्सं धाःगु खः । इलय् हे तलब दयेमाःगु तलब वृद्धि जुइमाःगु लगायतया माग तसें छुं दिंनिसें शिक्षकत आन्दोलित जुयाच्वंगु खः ।
प्रशासन थःगु माग पुरा यायेगु पलेसा राजीनामा बियाः तलब कायेत ख्याच्वलं जाःगु व्यवहार यायेवं बाध्य जुयाः सामुहिक राजीनामा बियाःगु शिक्षक सुरेन्द्र देउजां धयालि । शिक्षकतय्सं राजीनामा बिइधुंकाः प्रशासनं गर्मी बिदा धासें न्यान्हुया निितं विद्यालय बन्द याःगु खः ।
देय्न्यंक समताया नीनिगू विद्यालयत दु । कावासोतीइ दुगु समता शिक्षा निकेतन निदँ न्ह्यःनिसें साचालनय् वःगु खः ।
