'जनमुक्ति सेनाया पुनः प्रमाणिकरण याःसाः दुर्भाग्य'
जनमुक्ति सेनाया डिभिजन कामण्डतय्सं माओवादी सेनाया पुनः प्रमाणिकरण जूसाः देया निंतिं तःधंगु दुर्भाग्य जुइगु खँ धाःगु दु ।
शिविरय् दुपिं लडाकूतय् बारे नियमित रिपार्टिङया निंतिं येँय् वपिं न्ह्यगू डिभिजनया कमाण्डरतय्सं माओवादी शीर्ष नेतात नाप खँल्हाय्गु झ्वलय् यदि कांग्रेसं माग यानाच्वं थें पुनः प्रमाणिकरण जुसाः देया निंतिं दुर्भाग्य जुइगु चेतावनी ब्यूगु दु ।
न्ह्यगुलिं डिभिजनया कमाण्डरतय्सं बिहिवाः सुथय् माओवादीया वरिष्ठ नेत व अर्थमन्त्री डा. बाबुराम भट्टराईयात नापलाना: शिविरया समस्या बारे जानकारी ब्यूगु खः । थ्वस्वयां न्ह्यः कमाण्डरतय्सं बुधवाः माओवादी अध्यक्ष व सेना समायोजन विशेष समितिया अध्यक्ष पुष्पकमल दाहाल प्रचण्डयात बुधवाः नापलाःगु खः ।
प्रधानमन्त्री पुष्पकमल दाहाल प्रचण्डया भिडियो प्रकरण लिपाः कांग्रेसं माओवादी लडाकूतय् पुनः समायोन जुइमाःगु माग यानावयाच्वंगु खः ।
