खुकरीं पालाः क्रान्तिकारी विद्यार्थी घाःपाः
अज्ञात समूहया खुकरी प्रहारपाखें अखिल क्रान्तिकारी येँ जिल्ला दुजः सम्पूर्ण अधिकारी घाःपाः जूगु दु । मनमैजु गाविसस्थित नेपालटार चोकय् विहीवाः वंगु बहनी अज्ञात समूहं अधिकारीदथुइ खुकुरी प्रहार याःगु खः ।
खवःगु ल्हातय् बांमलाक्क घाः जूम्ह अधिकारीया महाराजगाजस्थित शिक्षण अस्पतालय् वासः जुयाच्वंगु क्रान्तिकारीया येँ छ्यााजे चिरिाजवी ढकालं जानकारी बियादिल । बहनी च्याताः ईपाखे डेराय् वनाच्वंम्ह अधिकारीदथुइ प्यम्हसिनं दायाः खुकुरी पालाः बिस्युं वंगु ढकालं धयादिल । अधिकारी नेपालटारस्थित ग्रामीण आदर्श बहुमुखी क्याम्पसय् स्नातक निगूगु दँय् ब्वनाच्वंगु खः । थ्वहे दथुइ विद्यार्थीतय्सं घटनाया विरोध व दोषीदथुइ कारबाहीया माग यासें ग्रामीण आदर्श क्याम्पसया स्ववियु ज्याकुथिइ तोडफोड याःगु खः । तोडफोड यायेवं क्याम्पस तनावग्रस्त जूगु खः ।
उखे विद्यार्थी ज्वंगुया विरोधय् नेपाल विद्यार्थी संघ व तरुण दलं याःगु इटहरी बन्द लित कायेवं विहीवाः सुथंनिसें यातायात सुचारु जूगु खः । छवाः त्या न्ह्यःनिसें इटहरी गोलीकाण्डय् ज्वंम्ह थः कार्यकर्तायात विहीवाः सनिलय्तक्क त्वःतेगु प्रशासनं प्रतिबद्धता क्यनेवं बन्द लित काःगु खः ।
