एमालेया पुलांगु हे अडान कायम / माओवादी प्रस्ताव अस्वीकार
नेकपा (एमाले)या स्थायी समिति मुँज्यां एनेकपा (माओवादी)या न्हूपिं मन्त्रीतय्त सपथ ग्रहण याकेमजिउगु पुलांगु हे अडान लिसाकाःगु दु । छुं न्हि न्ह्यः जक च्वंगु स्थायी समितिं माओवादी प्रस्ताव अस्वीकार याःगु खःसा हान थौं च्वंगु स्थायी समितिया मुँज्यां नं उगु हे निर्णय याःगु दु ।
मन्त्रीमण्डल पुर्नगठनया निंतिं माओवादीं २४म्ह न्हूपिं मन्त्री व राज्य मन्त्रीतय्त नां छ्वःगु खःसा प्रधानमन्त्री झलनाथ खनालं राज्य मन्त्री बाहेक ९म्ह पूर्ण मन्त्रीतय्त जक सपथ ग्रहण याकेफइगु संकेत माओवादीयात बिउगु खः । तर स्थायी समिति मुँज्यां निक्वःगु खुसीइ नं माओवादी प्रस्ताव अस्वीकार यानाबिउगु दु ।
मुँज्यां आः न्हूपिं मन्त्रीतय्त सपथ ग्रहण याकेगु ई मखूगु ठहर यासें राष्ट्रिय सहमतिय सरकार गठन यायेमाःगु आवश्यकताय् बः बिउसें उकिया निंतिं एमालें पहल यायेगु निर्णय याःगु दु ।
News Location:
