संकल्प प्रस्तावय् कांग्रेस-एमालेया आपत्ती

कांग्रेस-एमाले गठबन्धनं माओवादीं संसदय् पेश याःगु संकल्प प्रस्तावयात सहलहया विषय् देयेके मज्यूगु निष्कर्ष पिकाःगु दु ।

कांग्रेस सभापति गिरिजाप्रसाद कोइराला व न्हूगु सरकारया नेतृत्व यायेत्यंगु एमालेया नेता माधव नेपाल दथुइ बिहवाः जूगु खँल्हाबंलाय् संकल्प प्रस्तावयात सहलहया विषय देयेके मज्यूगु निष्कर्ष पिकाःगु खः ।

कांग्रेस उपसभापति रामचन्द्र पौडेलया कथं खँल्हाबंलाय् संकल्प प्रस्ताव व न्हूगु सरकार गठन बारे खँ जूगु धयादिल । वयेकलं सरकार गठनया बारे सहलह जुसां सरकारय् सु-सु नेतात वनीगु धइगु खँय् सहलह मजूगु स्पष्ट यानादिल । वयेकलं सदन सुचारु यायेगु खँय् माओवादी नाप थप सहलह यायेमाःगुलिं याकनं सहलह यायेगु निर्णय जूगु जानकारी बियादिल ।