प्रचण्डं प्रम खनालयात नापलात
प्रधानमन्त्री झलनाथ खनाल व एकीकृत (माओवादी)या नायः पुष्पकमल दाहाल 'प्रचण्ड' दथुइ नापलाये ज्या जूगु दु । प्रधानमन्त्रीया सरकारी निवास बालुवाटारय् जूगु नापलाये ज्याय् वय्कःपिं दथुइ माओवादीपाखें मन्त्रीइ प्रस्ताव याःपिंत सपथ बिइकेगु विषयसं सहलह जूगु श्रोतं जानकारी ब्यूगु खः ।
प्रधानमन्त्रीया प्रेस सल्लाहकार सूर्य थापां वय्कःपिंदथुइ सपथ लगायत राष्ट्रिय सहमति, शान्ति प्रक्रिया व संविधान निर्माण लगायत समसामयिक बिषयसं खँल्हाबल्हा जूगु जानकारी बियादिल । वय्कलं सहलह सकारात्मक जूगु नापं जानकारी बियादिल ।
नापलाये ज्याय् प्रचण्डं मन्त्री हिलाबुला यायेगु थःगु पार्टीया अधिकार जूगु धासें उकिं राष्ट्रिय सहमति निर्माणय् छु नं असर मजुइगु बिचाः नापं प्वंकूगु खः । उगु हे नापलाये ज्याय् माओवादी न्वकु मोहन बैद्य 'किरण' व एमाले न्वकु बामदेव गौतम लगायतपिनिगु नं ब्वति दुगु खः ।
