माओवादी विरुद्ध एमालें प्रदर्शन याइगु

नेकपा एमालें माओवादी क्रियाकलापया विरुद्ध जेठ १० गते देशव्यापिरुपं विरोध याइगु जूगु दु ।

बुधवाः एमालेया ज्याकू बुल्खुइ च्वंगु केन्द्रीय कमिटिया बैठकं माओवादीया अराजक क्रियाकलापत न्हिया न्हिथं अप्वःगु धासें उकीया विरुद्ध ज्याझ्व यायेत्यंगू जानकारी एमाले महासचिव ईश्वर पोखरेलं बियादिल ।

बुधवाया बैठकं रामेछापय् महासचिव पोखरेलयात याःगु आक्रमणयात गम्भीर रुपय् कासें १० गते देययंक विरोध प्रर्दशन यायेगु, बिहिवाः मानव अधिकार आयोगया ध्यानाकर्षण याकेगु व शुक्रवाः एमाले ज्याकू बल्खुइ मानव अधिकारकर्मीत नाप अन्तरक्रिया व सहलह यायेगु निर्णय याःगु दु ।