नेपाली कांग्रेसं ब्यवस्थापिका संसदया वैठक अवरुद्ध यायेगु निर्णय
नेपाली कांग्रेसं ब्यवस्थापिका संसदया वैठक अवरुद्ध यायेगु निर्णय याःगु दु । नेपाली कांग्रेसया केन्द्रीय समितिया मंगलवाःया वैठकय् संसद वैठक अवरुद्ध यानाः प्रधानमन्त्रीयात राजीनामा बिइत बाध्य यायेगु निर्णय याःगु खः । बैठकय् पार्टीया आन्तरिक विबाद समाधान व समसामयिक राजनीतिक बिषयलय् सहलह जूगु खः ।
बैठकय् पार्टीइ संसदीय दलया नेता परिवर्तन सम्बन्धी विवादय् सहलह केन्द्रीत जुइगु नं स्रोतं जानकारी ब्यूगु खः । लिपांगु ई पूर्व सहमति कथं रामचन्द्र पौडेलयात चीकाः थःत दल नेता दयेकेत वरिष्ठ नेता शेरबहादुर देउवां सभापति सुशिल कोइरालायात दबाब बियाः वयाच्वंगु खः । पार्टी संसदीय दलया नेता परिवर्तनया नितिं जूगु ल्हाःचिं देउवां मंगलवाःया केन्द्रीय समिति बैठकय् न्ह्यब्वयेगु ज्याझ्वः नापं दुगु खः ।
बैठकय् थीथी विभाग नीस्वनेगु व भ्रातृ संस्थाय् खनेदुगु विवाद समाधान विषयलय् नं सहलह जूगु धाःगु खः ।
