स्वंगू दलया बैठक : मन्त्रिपरिषद विस्तारपाखे कांग्रेसया असहमति
प्रमुख प्रतिपक्षि दल नेपाली काँग्रेसं थौंया ब्यवस्थापिका संसदया बैठक अवरुद्ध यागु दु । न्यागु बुँदे सहमति कार्यान्वयन मजुगु धासें संसदया बैठक शुरु जुइवं काँग्रेसं अवरुद्ध यागु ख ।
बैठक शुरु जुइवं हे कांग्रेस संसदिय दलया मुख्य सचेतक लक्ष्मण घिमिरें संविधानसभाया ई तनेगु इलय् यागु न्यागु बुँदे सहमति कार्यावन्यन न्ह्यने मन्ह्यासा संसद न्ह्याके मबीगु धयादिल । प्रधानमन्त्रिं राजिनामा बिइमागु मन्त्रिमण्डल पुनरगठन यायेत्यंगु आलोचनालिसे कांग्रेसं बैठक अवरुद्ध यागु ख । कांग्रेसं संसद न्ह्याकेमबीवं थौं न्ह्यब्वये धयातगु विनियोजन विधेयक २०६८ ०६९ पेश जुइमफुत ।
थ्वहे दथुइ पार्टीया केन्द्रीय समितिया बैठकय् संसदीय दलया नेता परिवर्तनया एजेण्डा ल्ह्वनेगु रणनीति क्वछीत नेपाली कांग्रेसया वरिष्ठ नेता शेरबहादुर देउवा पक्षधरया भेला नं जुइत्यंगु धागु ख । सहलहया नितिं नेता देउवां थः निकटया नेतातय्त सनिलया स्वता इलिपा थगु हे निवास बुढानिलकण्ठय् सतुगु ख । भेलाय् कन्हय्निसें न्ह्याइगु केन्द्रीय समितिया बैठकय् संसदीय दलया नेता परिवर्तनया एजेण्डा ल्ह्वनेगु बारे सहलह जुइ । पदाधिकारी मनोनयनया झ्वलय् सभापति सुशील कोइराला व वरिष्ठ नेता देउवादथुइ देउवायात संसदीय दलया नेता दयेकेत गोप्य समझदारी जुगु धयादिल । लिपांगु इलय् कांग्रेसं प्रधानमन्त्रीया राजीनामाया माग ल्ह्वनेवं देउवा पक्ष उत्साहित जुगु दु ।
