माओवादीया न्हूपिं मन्त्रीतय्त सपथ बिइकेत प्रधानमन्त्री असहमत
प्रधानमन्त्री झलनाथ खनालं माओवादीं प्रस्ताव याःपिं न्हूपिं मन्त्रीतय्त सपथ बिइकेत अस्वीकार याःगु दु । नेपाली कांग्रेसं न्यागु बुँदे सहमतिकथं प्रधानमन्त्रीया तत्काल राजीनामाया अडान तगु इलय् मन्त्रिपरिषद पुनर्गठन यायेगु प्रत्युत्पादक जुइगु शंकाय् प्रधानमन्त्रीं सपथ ग्रहण याकेत अस्वीकार याःगु खः ।
थौं सुथय् बालुवाटारस्थित सरकारी निबासय् माओवादी नाय पुष्पकमल दाहाल ुप्रचण्डुलिसे जुगु नापलाये ज्याय् प्रधानमन्त्री खनालं कांग्रेस लगायतया दलतलिसे सहमति मजुसे माओवादीया न्हुपिं मन्त्रीतय्त सपथ मबीकेगु स्पष्ट यागु ख । माओवादी नाय प्रचण्ड पार्टीयापाखें न्हुम्ह मन्त्री जुपिनिगु नांधल कया थौं सुथय् बालुवाटार थ्यंकुगु ख । नापलाये ज्याय् प्रधानमन्त्रीं न्हूपिं मन्त्रीतय्त सपथ बिइके मफइगु लिस ब्युसें प्रतिपक्ष कांग्रेसया नापं सहमतिइ न्ह्यने न्ह्याकेमागु प्रधानमन्त्रीया प्रेस सल्लाहकार सूर्य थापां जानकारी बियादिल । माओवादी नाय प्रचण्डं धाःसा पार्टीं सिफारिस याःपिं मन्त्री व राज्यमन्त्रीतय्त थौं सनिलय्तक्क सपथ याकेत प्रधानमन्त्रीलिसे इनाप याःगु ख ।
