सीटीईभीटी केन्द्रीय ज्याकुथिइ तालाबन्दी
प्राविधिक शिक्षा लिसे व्यवसायीक तालिम परिषद सीटीईभीटी पाखें न्ह्याकाच्वंगु फुक्क तहया विद्यार्थीपाखें काइगु शुल्क म्हो यायेत माग यासें विद्यार्थीतय्सं सीटीईभीटी केन्द्रीय ज्याकुथिइ तालं ग्वयाः ब्यूगु दु । सीटीईभीटी विद्यार्थी सरोकार माचं दुजः छ्याञ्जे परीक्षा नियन्त्रण ज्याकू लगायतय् तालं ग्वयाः ब्यूगु खः ।
सीटीईभीटी अन्तर्गत न्ह्यानाच्वंगु आंगिक लिसे सम्बन्धन प्राप्त शैक्षिक संस्थातय्सं विद्यार्थीपाखें काइगु शुल्क थिकय् जूगुलिं म्हो यायेत माग यानाः तालं ग्वःगु माचया नायः सुमन श्रेष्ठं जानकारी बियादिल । तालाबन्दीया कारण सीटीईभीटी अन्तर्गत न्ह्यानाच्वंगु प्राविधिक एसएलसी लिसे प्रमाणपत्र तहलय् छात्रवृत्तिइ अध्ययन यायेमास्ते वःपिं विद्यार्थीया परीक्षा सम्बन्धी ज्या नापं प्रभावित जूगु सीटीईभीटीया दुजः छ्याञ्जे डाक्टर जयबहादुर टण्डनं जानकारी बियादिल ।
