बजेटय् सैद्धान्तिक छलफल सुरु

व्यवस्थापिका संसदय् आर्थिक दँ २०६८÷६९ या बजेटदथुइ आइतवाःनिसें सहलह न्ह्याःगु दु । वैठकय् सुनुवाई सम्वन्धी जटिलता फुकय् यायेत नियमावली नीस्वनेगु प्रस्ताव वःगु खः । संसद बैठकय् राज्य व्यवस्था समितिया सभापति रामनाथ ढकालं समितिया बार्षिक प्रतिवेदन पेश यानादीगु खः ।

थ्वहे दथुइ आइतवाःया बैठकय् नेपाली कांग्रेस संसदीय दलया नेता रामचन्द्र पौडेलं वंगु जेठ १४ गते बहनी जूगु न्यागू बुँदे सहमति कार्यान्वयन यायेत माग यानादिल । अथेनं फुक्क बजेट पुस्तिका अझ छापय् मजूनीगुिलं आइतवाः बजेटया सैद्धान्तिक पक्षय् जक सहलह जूगु खः । बजेटबारे दफावार शिर्षक कथंया सहलह मेगु बैठकपाखें न्ह्याकाः साउन ३२ गते पारित यायेधुंकीगु सभामुख सुवास नेम्वाङं जानकारी बियादिल । अर्थमन्त्री भरतमोहन अधिकारीं वंगु असार ३१ गते स्वंगू खर्ब च्यय्प्यंगू अर्ब गुइगू करोड तकाया बजेट संसदय् पेश याःगु खः । थुकथं हे महिला बालबालिका लिसे समाज कल्याण समिति अन्तर्गत नीस्वंगु मुक्त कमैया कम्लहरी समस्या व अवस्था अध्ययन यायेत नीस्वंगु उपसमितिया प्रतिवेदन नं बैठकय् पेश यायेगु कार्यसूची दु ।