एमाले कार्यशाला गोष्ठिइ मतभेद
विधान संशोधनय् सुझाव कायेत काभ्रेया धुलिखेलय् न्ह्याःगु नेकपा एमालेया राष्ट्रिय कार्यशाला गोष्ठीइ तच्वःगु मतभेद जूगु दु । भेला न्ह्यानाः च्वंगु इलय् बरिष्ठ नेता माधव कुमार नेपाल व स्थाई समिति दुजः केपी शर्मा ओलीं ब्यागलं पत्रकार सम्मेलन यानाः नायः झलनाथ खनालया कुंखिनादीगु खः ।
नेतातय्सं खुल्लारुपय् कुंखिनेवं एमालेदुनेया चरम गुटबन्दी सार्वजनिक रुपय् खनेदुगु खः । नेपाल व ओली निम्हसिनं नेतृत्व सर्वसत्तावादी जूगु जानकारी ब्यूसें नायः झलनाथ खनालया कुंख्युंगु दु । सामुहिक नेतृत्वया बहुपक्षिय प्रणालीया विकास च्याक्वःगु महाधिवेशनपाखें याःगु जानकारी ब्यूसें ओलीं पत्रकार सम्मेलनय् महाधिवेशनं ब्यूगु म्यान्डेट नं सामुहिक नेतृत्व हे जूगु जानकारी ब्यूगु खः । नायः खनालया नां मकाःसे हे महाधिवेशनं ब्यूगु म्यान्डेटपिने वनाः छुं छुं मनूतय्सं सर्वसत्ता थःगु हे जूगु महशुस यानाच्वंगु ओलीं दाबी याःगु खः । मेम्ह नेता माधव नेपालं धाःसा नायःया नां हे क्वःछीना खनालया कुंख्युंगु खः । उखे नायः खनालया पक्षय् नेतात वामदेव गौतम व सुरेन्द्र पाण्डे नं सिइदयेक हे वयागु बचाउसं वंगु जानकारी ब्यूगु खः ।
च्याक्वःगु महाधिवेशनलिपा पार्टी अध्यक्षात्मक प्रणालीइ वंगुलिं नायःयात हे शक्तिशाली दयेकेमाःगु धयादिसें खनाल पक्षिय न्वकु गौतम व नेता पाण्डें नीगू प्रतिशत मनोनयन नापं नायःपाखें यायेदयेमाःगु धयादिसें शक्तिशाली नायःया आवश्यकताय् बहः ब्यूगु खः ।
