पाँच बुँदे कार्यान्वयन यायेत नागरिक दवाव
नागरिक समाजया न्ह्यलुवाःतय्सं न्यागू बुँदे सहमति कार्यान्वयनया अवस्था सार्वजनिक यायेत संसदीय अनुगमन समितियात इनाप याःगु दु । नागरिक समाजया न्ह्यलुवाःत पद्मरत्न तुलाधर दमननाथ ढुङगाना लगायतं आइतवाः संसदीय अनुगमन समितिया संयोजक सभामुख सुवासचन्द्र नेम्वाङयात नापलानाः न्यागू बुँदे सहमति कार्यान्वयनया अवस्था सार्वजनिक यायेत इनाप याःगु खः ।
सहमति जूगु झण्डै निला थ्यनेधुंकाः नं कार्यान्वयन मजूगुलि संसदपाखें जानकारी बिइत सभामुखयात इनाप याःगु नागरिक अगुवा पद्मरत्न तुलाधरं धयादिल । अनुगमन समितिया संयोजक सभामुख नेम्वाङं सहमतिया हस्ताक्षरकर्तातलिसेया सहलहलिपा रिपोर्ट सार्वजनिक यायेगु आश्वासन ब्यूगु नं वय्कलं धयादिल । अनुगमन समिति आःतक्क शान्ति प्रकि्रयाबारे प्रधानमन्त्री लिसे सेना समायोजन विशेष समितिया संयोजक खनाल रक्षामन्त्री विष्णु पौडेल व विशेष समिति अन्तरगतया सचिवालयया संयोजक बालानन्द शर्मालिसे सहलह यायेधुंकूगु दु ।
