ओमविक्रम राणा प्रहरी हिरासतय्
विशेष अदालतं नेपाल प्रहरीया पूर्व आइजीपी ओमविक्रम राणालिसे सुडान घोटाला बारे दायर मुद्दाय् बयान काःगु दु । अदालतया पौ कायेत अस्वीकार यायेवं वय्कःया कुसुन्तिसं च्वंगु छेँय् कर्मचारीं झिंन्यान्हुयादुने अदालतय् वयेत पौ तिकाः वंगु खः ।
विशेष अदालतं बयान न्यनेवं आइतवाः हे थुनछेकया बहस न्ह्याकूगु खःसा थौंया स्थगित यानाः कन्हय् हाकनं वय्कःयाके बयान काइगु जूगु दुसा अनंलिपा वय्कःयात सफाइ बिइगु धरौटीइ त्वःतेगु वा थुनाय् छ्वयेगु धइगु सम्बन्धय् फैसला जुइगु विशेष अदालतं जानकारी ब्यूगु खः । आइतवाः हे विशेष अदालतं अख्तियार दुरुपयोग अनुसन्धान आयोगं मुद्दा दायर याःपिं एसपीत विद्याराज श्रेष्ठ व कृष्णप्रसाद गुरागाईलिसे नं बयान काःगु खः ।
