च्या मजदुरत हानं आन्दोलन
झापाया च्या मजदुरतय्सं थःपिनिगु नीच्यागू सूत्रीय मागयात सरकारं बेवास्ता याःगु जानकारी ब्यूसें माग पूवंकेत पीच्याघौया अल्टिमेटम ब्यूसे आन्दोलनयात अझ अप्वः तच्वयेकूगु दु । थ्व ईया सीमादुने माग पूमवंसा यातायातय् पंगः थनेगु आम हड्ताल लिसे नाका बन्द लगायतया विरोधया ज्याभुवः यायेगु ख्याच्वः ब्यूगु दु ।
आन्दोलन कथं उमिसं नेपाल चिया मजदुर यूनियन नेपाल चिया बगान श्रमिक संघ व अखिल नेपाल चिया मजदुर संघं मंकाः रुपं आन्दोलनया घोषणा याःगु खः । उमिसं आन्दोलनया ज्याभुव कथं नेपाल चिया उत्पादक संघया ज्याकू घेरे यायेगु तयारी चिया मीगुलिइ पनेगु मेची अाचल न्यंकलं छघौ यातायातय् पंगः थनेगु काँकडभिट्टा नाका बन्द व मेची अञ्चलन्यंक आम हड्तालया ज्याभुवः लगायत न्ह्यःने न्ह्याकूगु खः ।
सञ्चय कोषया व्यवस्था जुइमाःगु मेमेपिं मजदुर सरह ज्याला दयेमाःगु उपदानया व्यवस्था जुइमाःगु विभेद्कारी श्रम कानुनया खारेजी लगायतया नीच्यागू सूत्रीय माग उमिगु दुगु खः ।
