प्रमयात तत्काल राजीनामा बिइत कांग्रेसया माग

नेपाली कांग्रेसं प्रधानमन्त्री झलनाथ खनालयात तत्काल राजीनामा बिइत माग याःगु दु ।

कांग्रेसया थौं च्वंगु संसदीय दलया मुँज्यां शान्ति व संविधान निर्माणया ज्या न्ह्याकेत वर्तमान सरकार पूर्ण रुपं असफल जूगु धासें प्रधानमन्त्रीयात तत्काल राजीनामा बिइत माग याःगु खः । माओवादी व एमाले दथुइ जूगु न्हय्गू बुँदे सहमति कथं गठन जूगु वर्तमान सरकारया आयु क्वचाये धुंकूगु ठहर यासें कांग्रेसं राष्ट्रिय सहमतिय सरकार निर्माण यायेत प्रधानमन्त्रीं मार्ग प्रसस्त यायेमाःगु खँ धाःगु दु ।

संसदीय दलया नेता रामचन्द्र पौडेलया नेतृत्वय् च्वंगु मुँज्यां प्रमुख स्वंगू दलत दथुइ जूगु न्यागू बुँदे सहमति अझ नं पूवनेमफुगु धासें उकियात कार्यान्वयन यायेत दबाव बिइत मधेशी मोर्चा लगायत दलतय्त इनाप याःगु दु ।