आदिवासी दिवस थीथी ज्याझ्वः याना हनीगु

नेपाल आदिवासी जनजाति महासंघं थुगुसीया विश्व आदिवासी दिवस थीथी ज्याझ्वः याना हनीगु जूगु दु ।

झिंन्हय्क्वःगु विश्व आदिवासी दिवसया लसताय् महासंघं थौं छगू पत्रकार सम्मेलन यानाः लच्छिन्यंकया ज्याझ्वः सार्वजनिक याःगु खः । महासंघं 'सयौं दँ निसें आदिवासी जनजातितय्त जुयाच्वंगु जातीय विभेद अन्त्य व धर्मनिरेपक्ष संघीय लोकतान्त्रिक गणतन्त्र अखण्ड राष्ट्र नेपाल स्थापना यायेगु सुनौलो अभियान' धइगु नारा सहित लच्छिन्यंक ज्याझ्वः सार्वजनिक याःगु खः ।

लच्छिन्यंकया ज्याझ्वः कथं असार २४ गते निसें श्रावण १२ गते तक प्रचरात्मक ज्याझ्वः, श्रावण १३ निसें २३ गते तक आदिवासी जनजातितय् आधिकारया विषयसं अर्न्तक्रियात्मक ज्याझ्वः व श्रावण २४ गते राष्ट्रिय सभागृहलय् मू ज्याझ्वः याइगु जूगु दु ।