राष्ट्रहित विपरित वनीपिं पिहांवनी : राष्टपति
राष्ट्रपति डा रामवरण यादवं राष्ट्रया हित अःखः वनीगु न्ह्याःगु हे शक्ति जूसां नं जनतां मत्वःतीगु धयादीगु दु । वीपी संग्राहलयया भ्रमणय् सुन्दरीजल थ्यंकादीम्ह राष्ट्रपति यादवं जनताया इच्छा व चाहना अःखः सु नं वनेमफइगु धयादीगु दु ।
वीपीं २०३३ सालया मेलमिलापया नीति न्ह्यःने न्ह्याकाः तत्कालिन जुजु महेन्द्रलिसे राष्ट्र व जनताया चाहना कथं सम्झौता याःगु धयादिसें राष्ट्रपति यादवं राजनीतिक दलया नेतातय्त इलय् हे देय्या समस्यायात कयाः न्वंवायेत इनाप नापं यानादीगु खः । वय्कलं शान्ति व लोकतन्त्रया नितिं प्रमुख राजनीतिक दलतय्त जिम्मेवार भूमिका निर्वाह यायेत इनाप नापं यानादीगु दु ।
