प्रधानमन्त्रीं राजिनामा ब्यूसा जक निकाश : सिटौला
नेपाली कांग्रेसया महामन्त्री कृष्ण सिटौलां प्रधानमन्त्री झलनाथ खनालं याकनं राजीनामा बियाः निकास पिकायेमाःगु धयादीगु दु । प्रेस युनियनं थौं लमजुङय् ग्वसाः ग्वःगु पत्रकार नापलाये ज्याय् वय्कलं प्रधानमन्त्रीं राजीनामा बिइगु न्यागू बुँदे सहमति संसदं नापं पारित यायेधुंकूगुलिं प्रधानमन्त्रीं राजीनामा बिइमाःगुलिइ अथे मयानाः समस्या तच्वःगु धयादीगु खः ।
नेता सिटौलां शान्ति प्रकि्रयायात क्वःछीत दलत इमान्दार खनेमदुगु न्ह्यःथनादीसें सुडान प्रकरणया हुइना भुइनाय् नापं दुम्ह महामन्त्री सिटौलां सुडान घोटालाय् छुं छुं साचार माध्यमं थः विरुद्ध पूर्वाग्रही तरिकां थःथःगु बिचाः प्वंकूगु नापं धयादीगु खः । थःगु कार्यकालय् ज्वलं न्यायेगु ज्या नापं मजूगुलिं थःगु ल्हाः मदुगु दाबी यानादिसें थ्व विषयलय् सर्वोच्चय् विचाराधिन दुगुलिं थःम्हं मेमेगु छु नं धायेमास्ते मवःगु धयादीगु खः ।
