नेपालय् मानवअधिकार स्थिति कुहांवन
सरोकारवालातय्सं नेपालय् मानव अधिकारया स्थिति स्यनाच्वंगु अवस्थाय् दुगु जानकारी ब्यूसें च्यूताः प्वंकूगु दु । उमिसं मानवअधिकारया मापदण्ड संविधानय् गज्याःगु जुइमाःगु धइगु विषयसं स्वेतपत्र दयेकाः सहलह ब्याकाः न्ह्यःने न्ह्यायेमाःगु जानकारी ब्यूगु खः ।
एमनेस्टी इन्टरनेशनल नेपाःया नीन्ह्यक्वःगु दँमुज्याया लसताय् ग्वसाः ग्वःगु ज्याभुवलय् सरोकारवालातय्सं प्रजातन्त्रया सः धिसिलाक्क एकताबद्ध जुयाः ल्ह्वनेमाःगु बिचाः तयादीगु खः । मानवअधिकार आयोगया दुजः गौरी प्रधानं दण्डहिनताया संस्कृतियात थाय् बिइगु कथं मानव अधिकार विरोधी ज्यात जूसा थःपिंत मान्य मजुइगु धयादिसें वय्कलं देय्या स्यनाच्वंगु राजनीतिक स्थितिप्रति दुःख प्वंकादिसें मानवअधिकार मैत्री संविधान निर्माण यायेगु नितिं दलतलिसे इनाप नापं यानादीगु खः ।
ज्याझ्वलय् मानव अधिकारकःमि चरण प्रसाँईं मानव अधिकार व ल्वापुया मुद्दा ल्ह्वनेबलय् शान्ति विरोधीया द्वपं फयेमाःगु धयादीगु दु । वय्कलं मानवअधिकार प्राप्तिया नितिं न्यायमुखी संविधान दयेकेमाःगु खँय् बहः नापं बियादीगु खः । सत्य निरुपण व बेपत्ता आयोगया सिफारिसय् सरकारं दोषीयात कार्वाही मयाःगुिलं सत्य निरुपण व बेपत्ता आयोगया छु नं औचित्य मदुगु मानव अधिकारकःमि प्रसाईंया धापू खः ।
