सार्कस्तरीय मन्त्री बैठक थिम्पुइ
सार्कस्तरीय गृहमन्त्रीपिनिगु छन्हुया बैठक थौंनिसें भुटानया राजधानी थिम्पुइ न्ह्याःगु दु । बैठकय् नेपाःयापाखें गृह छ्याञ्जे लीलामणि पौडेलया नेतृत्वय् न्ह्यम्ह दुजः दुगु पुचलं ब्वति काःगु खः ।
उपप्रधान लिसे गृहमन्त्री कृष्णबहादुर महरां लिपांगु इलय् वयाः पार्टी बैठक लिसे मेमेगु हुनि क्यनाः भ्रमण स्थगित यायेवं गृह छ्याञ्जे पौडेलया नेतृत्वया पुचलं बैठकय् ब्वति काःगु खः । पुचलय् गृह प्रवक्ता सुधीरकुमार शाह व ल्यू छ्याञ्जे एकमणी नेपाः लगायत अधिकारीपिनिगु ब्वति दुगु खः ।
हरेक निदँय् जुइगु बैठकय् सार्क क्षॆत्रया देय्तय्गु सुरक्षा अवस्था अन्तर्राष्ट्रिय कल बाइपास भिओआइपी व सीमापार क्षॆत्रय् जुइगु अपराधीक गतिविधि नियन्त्रण लगायतया विषयसं सहलह जुइगु खः ।
