खेलकुद मन्त्रीया चेनावनी

युवा लिसे खेलकुद मन्त्री हितबहादुर तामाङं विवादित निगू ओलम्पिक कमिटी मिलय् जुयाः मवःगु ओलम्पिक कमिटीया गतिविधिइ हे पनेगु ख्याच्वः बियादीगु दु । थौं रिपोटस्र क्लबया साक्षात्कारय् न्ववानादिसें वय्कलं विवादित जुयाच्वंगु निगू ओलम्पिक कमिटीयात मिलय् जुयाः सहमतिया प्रस्ताव हयेत थःम्हं सुझाव बियाःगु खँ न्ह्यःथनादीगु खः । मन्त्री तामाङं राज्यया कानुनकथं मन्ह्याईपं न्ह्याम्हसित नं कारवाही यायेगु नापं धयादीगु दु ।