कन्या मन्दिरया खुम्ह उत्कृष्ट विद्यार्थीतय्त हन
येँ (सन्ध्या टाइम्स) / कन्या मन्दिर उच्च माविया न्हूपिं विद्यार्थीपिंत लसकुस यासें थीथी विधाय् उत्कृष्ट खुम्ह विद्यार्थीपिंत हनेज्या जुल । वंगु शुक्रवाः जूगु ज्याझ्वलय् विद्यालयया प्रिन्सिपल मय्जु सानुकुमारी नेपालं वय्कःपिंत खादा क्वखायेकाः हनेज्या
याःगु खः ।
न्हूपिं ७० म्ह विद्यार्थीपिंत हनेज्या याःगु उगु ज्याझ्वलय् सार्क कासाय् दुथ्याम्ह विद्यार्थी सम्झना लामा महिला कबड्डी उत्कृष्ट उर्मिला महर्जन फष्ट यूथ तेक्वाण्डो कासाय् ४५ निसें ५१ किलो पुचलय् न्हाप लाःम्ह सीता तामाङ पाटन अस्पतालय् लिउ लाकाः पास जूम्ह नस्र प्रविना मानन्धर व २०६४ सालय् उगु विद्यालयपाखें डिष्टिनेशन हयाः पास यानाः आः वयाः साइन्स फ्याकल्टिइ हे उत्कृष्ट ल्याः हयाः पास यानादीम्ह सरिता पाण्डेयात उगु विद्यालयपाखें सार्वजनिक ज्याझ्वः याना हंगु खः ।
