बस ल्वानाः स्वीम्ह मनूत घाःपाः

ख्वपया नलीनचोकय् थौं सनिलय् निगः यात्रुबाहक बस ल्वानाः स्वीम्ह मनूत घाःपाः जूगु दु ।

काभ्रेया बनेपापाखें येँ वयाच्वंगु बा. २. ख. ७५९९ ल्याःया बस व येँ नं बनेपा पाखे वनाच्वंगु बा. २. ख. ४६११ ल्याःया बस थःथवय् ल्वाःगु खः । दुर्घटनाय् घाःपाः जूपिं मध्ये निम्हसिया अवस्था तच्वःगु दु । बांमलाक्क घाःपाः जूपिं बस दुने हे काःगु हुनिं प्रहरीं चिकित्सकतय्त हे दुर्घटनास्थलय् यंकूगु खः । ल्यं दुपिं घाःपाः जूपिंत वासःया नितिं ख्वप अस्पताल यंकूगु खः ।