राजस्व संकलन ४० प्रतिशतं वृद्धि
येँ (सन्ध्या टाइम्स) / माओवादी नेतृत्वया सरकारं राजस्व संकलनय् अप्वः तिबः बिउगु कारणं वंगु बैशाख मसान्त तकया दुने राजस्व संकलन ४० प्रतिशतं वृद्धि जूगु दु ।
वंगु दँय् थुगु हे ईया दुने जम्मा ३१ प्रतिशत ल्याखय् जक राजस्व संकलन जूगु खः । मन्त्रालयं बिउगु जानकारी कथं थुगु दँया वंगु बैशाख तकया दुने १ खर्ब १० अर्ब ५१ करोड तका राजस्व संकलन जूगु खः ।
माओवादी नेतृत्वया सरकारं हःगु आयया स्वयं कर घोषणा कार्यक्रमं जक १ अर्ब ५० करोड स्वयां अप्वः राजस्व संकलन जूगु दु ।
अर्थमन्त्री डा।बाबुराम भट्टराईं कर मपूपिंत कडा कारवाही यायेगु खँ धाःगुलिं नं राजस्व संकलनय् वृद्धि जूगु खः ।
वंगु दँय् १७ प्रतिशत जक राजस्व संकलन जुगु खःसा सरकारं थुगु दँया वजेटय् राजस्व संकलन ३२ प्रतिशतं वृद्धि यायेगु लक्ष्य तःगु खः ।
राजस्वया छम्ह अधिकारीया कथं राजस्वं संकलन निदुगं वृद्धि यायेगु खँ महत्वकांक्षी जूसां करया लागा तब्याकेगु व राजस्व प्रशासनय् जूगु सुधारया कारणं थुगु दँय् राजस्व संकलन अप्वःगु खः ।
