साउन ५ गते निसें मजदुरतय्सं आन्दोलन याइगु

थीथी झिगू मजदुर संगठनतय्सं राजपत्रय् न्ह्यथनातः कथं न्युनतम पारिश्रमिक व भत्ताया माग यासें साउन ५ गते निसें आन्दोलनया घोषणा याःगु दु ।

आन्दोलन कथं साउन ५ गते उद्योग प्रतिष्ठानय् हाकुगु ध्वाँय् तयेगु व हाकुगु पट्टी चिइगु, ६ गते प्रतिष्ठानया गेतय् सभा यायेगु, १० गते उद्योग वाणिज्य संघया ज्याकूथी धर्ना बिइगु, ११ गते उद्योग प्रतिष्ठानय् धर्ना बिइगु व १५ गते निसें अनिश्चितकालीन प्रतिष्ठान बन्दया घोषणा याःगु दु ।

अज्याःगु आन्दोलन माओवादी, मधेशी दलत नाप आबद्ध नापं थीथी मजदुर संगठनतय्सं मंकाः कथं घोषणा याःगु खः ।