पशुपतिइ पुजा पनेगु ख्याच्वः
येँ (सन्ध्या टाइम्स) / पशुपतिया पुजारी व भण्डारी बारे पशुपति विकास कोषं हःगु न्हूगु नियमावलीयात अनया भण्डारीतय्सं असन्तोष प्वंकुसें थौं नं अन पुजा यायेगु ज्या छझाः पना बिउगु दु ।
कोषं न्ह्यब्वःगु नियमावलीइ उल्लेखित तलब भत्ता व उमेरया हदबन्दी सम्बन्धी नियम थःिपंत स्वीकार्य मजू धासें भण्डारीतय्सं म्हिगःनिसें अन पुजा यायेगु ज्याय् पंगः थना वयाच्वंगु खः । पुजाय् पंगः वयेवं म्हिगः कोषया पदाधिकारी व भण्डारीतय् दथुइ सहलह जूगु खःसां छुं निष्कर्ष धाःसा पिहां मवः । थौं नं कोषया पदाधिकारी व भण्डारीतय् दथुइ जूगु सहलह विफल जूगु खँ धाःगु दु ।
यदि थ्व सम्बन्धी समस्या याकनं समाधान मजुल धाःसा भण्डारीतय्सं कन्हसंनिसें पशुपतिया पुजा हे
रोके याना बीगु ख्याच्वः नं बिउगु दु ।
