कर्मचारीत पाखें अर्थ मन्त्रालय घेराउ / १ सय ७० कर्मचारीतय्त ज्वन

अर्थ मन्त्री भरतमोहन अधिकारीं वंगु असार ३१ गते पेश यानादीगु बजेटय् कर्मचारीतय् तलब विभेदकारी ढंगं अप्वयेकूगु धासें अर्थ मन्त्रालय घेराउ याःपिं निजामति कर्मचारीतय्त प्रहरीं ज्वनायंकूगु दु ।

निन्हु न्ह्यः निसें मन्त्रालयय् धर्ना बियावयाच्वंपिं कर्मचारीतय्त थौं प्रहरीं हस्तक्षेप यानाः नियन्त्रणय् काःगु खः । प्रहरीं नियन्त्रणय् काःपिं १ सय ७० कर्मचारीतय्त नेपाल पुलिस क्लब व सिंहदरवार प्रभागय् तयातःगु दु । कर्मचारीतय्सं निषेधित क्षेत्रय् प्रदर्शन याःगुलिं इमित नियन्त्रणय् कायेमाःगु खँ प्रहरीं धाःगु दु ।

सरकारं च्वयेया तह व क्वयेया तहया कर्मचारीतय्त अप्वयेकूगु तलबय् विभेद जूगु धासें कर्मचारीतय्सं विरोध यानावयाच्वंगु खः ।