बजेट गोप्यता भंगया छानविन यायेत समिति

आर्थिक वर्ष ०६८/६९ या बजेट संसद्य् न्ह्यब्वये न्ह्यः हे सार्वजनिक जूगु सम्बन्धय् छानबिन यायेत संसदीय समिति गठन जूगु दु । थुगु छानविनया लागि नेपाली कांग्रेस मुख्य सचेतक लक्ष्मणप्रसाद घिमिरे संयोजक दुथ्याःगु ७ सदस्यीय समिति दयेकूगु दु ।

समितिइ माओवादी मुख्य सचेतक पोष्टबहादुर बोगटी, एमाले मुख्य सचेतक भीम आचार्य, माओवादीया हे जयपुरी घर्ती, कांग्रेसया रमेश लेखक, तमलोपाया हृदयेश त्रिपाठी व नेकपा संयुक्तया कल्पना राणा दुथ्याःगु दु । समितियात साउन ६ गतेतकया दुने बजेछ पूर्व सार्वजनिक जूगु बारे छानविन याना प्रतिवेदन पेश यायेगु जिम्मेवारी ब्यूगु दु ।

थौं न्हापांगु पटक थुगु समितिया बैठक च्वनेत्यंगु दु ।