प्रधानमन्त्री व सभामुख दथुइ सदन सुचारु यायेगु सहमित

प्रधानमन्त्री पुष्पकमल दाहाल प्रचण्ड व सभामुख सुभाषचन्द्र नेम्वाङ दथुइ संसद सुचारु यायेगु सहमति जूगु दु ।

बुधवाः सुथय् प्रधानमन्त्री निवास बालुवाटारय् जूगु खँल्हाबंलाय् सभामुख नेम्वाङं राष्ट्रपति विरुद्ध संकल्प प्रस्ताव दर्ता याकेबीगु धायेवं सदन सुचारु यायेत माओवादी तयार खनेदुगु खः ।

सभामुख नेम्वाङं सदन सुचारु यानाः न्हूगु सरकार गठन यायेत प्रधानमन्त्री प्रचण्डयात इनाप यानादीगु खसाः लिसःलय् प्रधानमन्त्री प्रचण्डं माओवादीं न्ह्यने सारे याःगु संकल्प प्रस्ताव सदनय् दर्ता याकेगु सहमति जुसाः सदन अवरोद्ध मयायेगु खँ धयादीगु खः ।

प्रधानमन्त्री नाप खँल्हाबंला लिपाः संचारकर्मीत नाप खँल्हानादिसें सभामुख नेम्वाङ सदन सुचारु जुइगुलि थः आशावादी जूगु खँ धयादिल । वयेकलं थौं मजूसाः कन्ह्य तकया दुने सदन सुचारु जुइगु खँ धयादिल ।