माओवादीं थौं संकल्प प्रस्ताव दर्ता याइगु

एकीकृत नेकपा (माओवादीं) थौं संसदय् संकल्प प्रस्ताव दर्ता याइगु जूगु दु ।

माओवादी सचिवालयया बुधवाः सुथय् च्वंगु बैठकं कांग्रेस, एमाले लगायतया दलतय्सं संकल्प प्रस्ताव बारे सहमति मक्यंसां नं थौ हे संकल्प प्रस्ताव दर्ता यायेगु निर्णय याःगु खँ माओवादी प्रवक्त दिनानाथ शर्मा जानकारी बियादिल ।

राष्ट्रपति विरुद्ध संकल्प प्रस्ताव दर्ता यायेगु व माओवादीं अवरुद्ध यानावयाच्वंगु संसद सुचारु यायेगु खँय् थौया बैठकय् सहलह जूगु खँ प्रवक्त शर्मां धयादिल । सहलह लिपाः संसद सुचारु यायेगु वातावरण देयेकेगु कुतः यायेगु नं निर्णय जूगु खः ।

अथेहे बैठकं एमाले महासचिव ईश्वर पोखरेलयात अप्पां क्येकूगु ज्या संलग्न रामेछापया सह इन्चार्ज राजन दाहालयात निलम्बन यानाः घटना बारे छानबीन यायेगु निर्णय याःगु दु ।