मापदण्ड कथं हे जनसेना प्रमाणिकरण : अनमिन
नेपालय् च्वंगु राष्ट्रसंघीय मिसन अनमिनं थःपिंसं क्वछिनातःगु कार्यादेश व क्षेत्राधिकार दुने च्वना हे माओवादी जनसेनाया प्रमाणिकरण यानाःगु खँ स्पष्ट याःगु दु ।
अनमिनं मंगलवाः छगू प्रेस विज्ञप्ति पिथंनाः नेपाल सरकार व नेकपा माओवादी दथुइ ३० मंसिर ०६३य् जूगु ल्वाभ: व सेना व्यवस्थापनया अनुगमन सम्झौतां क्वछिनातगु निगू मापदण्ड कथं हे प्रमाण्निकरण यानाःगु खँ धा:गु दु ।
मापदण्ड कथं योग्यताया निंतिं ल्वभ ज्वंपिं हे जुइमाःगु धकाः सरकार व माओवादी दथुइ जूगु सम्झौताय् न्ह्यथंनामतःगु धासें अनमिनं २०६३ जेठ ११ स्वयां न्ह्यः माओवादी सेनाय् भर्ती जूगु व माओवादी सेनाय् थः कार्यरत जूगु क्यनेत माओवादी सेनाया परिचय पत्र क्यंसाः गाःगु खँ सम्झौताय् च्वयातःगु खँ धाःगु दु ।
एकीकृत नेकपा (माओवादी)या अध्यक्ष पुष्पकमल दाहाल प्रचण्डया भिडियो टेप प्रकरण लिपा अनमिनं या:गु जनसेना प्रमाणिकरण बारे थीथी राजनीतिक दलतय्सं न्ह्यसः थंगु खः ।
