धम्मावती गुरुमांया ७८ दँ बुदिं

येँ (सन्ध्या टाइम्स)/भिक्षुणी धम्मावती गुरुमांया ७८ दँ बुदिंया लसताय् गुरुमांया ताः आयुया कामना यासें म्हिगः नेपाल परम्परागत बौद्ध धर्म संघं श्रीघः विहारया धर्मकीर्ति विहारसं बज्राचार्यपिंसं सप्तविधोनोत्तर पूजा याकल। उगु पूजाय् डा. नरेशमान बज्राचार्यं गुरुमां धम्मावतीया ताःआयु आरोग्यलिसें वसपोल सदां बोधिसत्वचर्याय् अग्रसर जुयाच्वने फयेमा धकाः आशिका यासें आर्यावलोकितेश्वर सहितं गुम्ह बोधिसत्वपिनिगु अभिषेकं विभूषित यानाबिज्यात। ज्याझ्वलय् संघया दुजःतय्सं थीथी बौद्धस्त्रोत्र पाठलिसें स्वस्तिवाचा पाठ याःगु खः ।