सेन्ट्रल जेलय् आत्महत्या
येँ (सन्ध्या टाइम्स)/सेन्ट्रल जेलय् छम्ह कैदीं थौं सुथय् आत्महत्या याःगु दु। गैंडाया खाक तस्करीया अभियोगय् कुनातःम्ह गणेशबहादुर तामाङं आत्महत्या याःगु खः। जेलर तिर्थ भट्टराईं धाः कथं चःबिइ वनाः तामाङं प्वत्यामाः हनीगु सुकां ककुइ चिनाः आत्महत्या याःगु खः। क्यान्सर ल्वचं पीडित तामाङ वंगु बैशाख २० गते चितवन कारागारं सेन्ट्रल जेलय् हःम्ह खः ।
