लोडसेडिङया ई क्वकाल

नेपाल विद्युत प्राधिकरणं बुधवाः निसें लागु जुइ कथं न्हि प्यघौया ल्याखं लोडसेडिङ क्वकाःगु दु ।

खुशीइ लः अप्वःगुलिं विद्युत उत्पादनय् सामान्य सुधार जुइवं लोडसेडिङया ई म्हो याःगु विद्युत प्राधिकरणं जारी याःगु प्रेस विज्ञप्तिइ न्ह्यथंनातःगु दु । लमही लगायत दक्लय् पश्चिम क्षेत्र, अप्वः विद्युत आपूर्ती जुइगु विराटनगर, धरान व औधिक फिडरयात लोडसेडिङ यथावत जुइगु खँ विज्ञप्तिइ न्ह्यथंनातःगु दु । न्हि झिंनिघौ जुयाच्वंगु लोडसेडिङ आः न्हि च्यघौया ल्याखं जक जुइ ।