सरकारं लितकाल
येँ(सन्ध्या टाइम्स)/वर्तमान सरकारं स्थानीय निकाय संचालन निंतिं परिषद् गठन यायेगु धकाः हःगु प्रस्ताव आःयात स्थगित याःगु दु। थौं च्वंगु संसद बैठकय् उगु घोषणा यायेवं थनिंनिसें संसद अबरुद्ध यायेगु धकाः ख्याच्वः बियाच्वंगु चिचीधंगु दलतय्सं नं संसद सुचारु याके बिउगु खः। थौंया बैठकय् सरकारं हःगु नीति तथा कार्यक्रम बारे सहलह जूगु दु।
सहलहया झ्वलय् थीथी दलया नेतातय्सं थःथःगु धारणा तयेगु ज्या न्ह्याःगु दु। कांग्रेसं सरकारया नीति तथा कार्यक्रमय् उल्लेख जुयाच्वंगु जनयुद्ध, जनक्रान्ति खँग्वःयात विरोध यानाच्वंगु दु। सहलह स्वन्हु तक लगातार जुइ।
