जः

सुजिता माःजु

जः दुने ख्युं हुसुं न्ह्यब्वानाच्वन
षडयन्त्रया तन्त्रमन्त्र ब्वनाः जःयात मू हायेकाच्वन
नविनताया शुन्यताय् थौं जःयात तक्यंकाच्वन

हस्ते व हाइस्तेया सलय् न्ह्यानाच्वंम्ह बुंगःद्यः थें
जः विवेकहीन, जः गतिहीन, जः अस्तित्वहीन

जः दुने ख्युं मखु ख्युं दुने जः तक्यंकातल
जः त्वपुयातल, नया पंजलय् कुनातल

खासा बियातःगु खेँय् कुकुमाखां न्ह्ययाच्वं थें
जः कुचाकुचा थलाः भ्वय् न्यायेकाच्वन
रङ्गभंग यानाः गुन्पुन्हिं न्यायेकाच्वन

इताः व चिकंया समागम नं
जःया पंगः क्वथलेगु कुतलय् ब्यर्थ सावित जुयाच्वन
आः इताः मखु सुकुन्दा छगलं च्याइ थें च्वन

Related Stories

ल्यासिपिं ल्यत्तु ल्यः जुया
सांसद

More Stories Like this

लाकां
थथे नं जुइयः [ ध्याचु ]
गधा [ ध्याचु ]